Ուղենիշ – հուշարձանը գտնվում է Երևան – Էջմիածին ճանապարհին, կառուցվել է 1960 թվականին: Սա Երևան քաղաքի հարավային մուտքն է: Օդանավակայանից դեպի քաղաք եկողների առջև, ճանապարհի ձախ կողմում բացվում է այս յուրահատուկ հորինվածքով տուֆակերտ հուշարձանը: Երեք մեծ, զուգահեռ դասավորված, եռանկյուն ուրվագծերով և կամարներով մույթերը միացած են արծվի բրոնզե պատկերաքանդակով, նրանց բարձրությունն է 15 մետր: Արծիվը բրոնզաձույլ է: Արծիվն այստեղ մարմնավորում է հայերի շինարար ոգին՝ նա մագիլներով բռնել է շինանարարի հիմնական գործիք հանդիսացող ուղղալարը:
