- 2020-09-17
Ռաֆոյի (Ռաֆայել Իսրայելյան) արխիվն ու ստեղծագործական ժառանգությունը Ալ. Թամանյանի անվան ճարտարապետության ազգային թանգարան ինստիտուտում են։
Ճարտարապետ Ռաֆայել Իսրայելյանի արխիվի հանձնումը իհարկե պատմական իրադարձություն է, որն իրականություն է դարձել Իսրայելյան ընտանիքի եւ առաջին հերթին թոռան՝ Արամ Ղանալանյանի ջանքերով։
Ռաֆայել Իսրայելյանի արխիվը հասանելի կլինի հանրության եւ մասնագիտական շրջանակների համար՝ նմուշների հետ համապատասխան աշխատանք կատարելուց հետո. «Այս արխիվը մեծ նշանակություն ունի 20-րդ դարի ճարտարապետական պատմության, ինչպես նաև հետագա սերունդների համար, և այսօր հիանալի հնրավորություն է ընձեռնվել տեսնելու, ուսումնասիրելու և ավելի լավ պատկերացնելու մեր ճարատարապետության անցյալը, ներկան և ապագան», – ասել է Ալ. Թամանյանի անվան ճարտարապետության ազգային թանգարան-ինստիտուտի տնօրեն Մարկ Գրիգորյանը։
Արխիվի հանձնման արարողությանը ներկա է գտնվել նաեւ ՀՀ քաղաքաշինության կոմիտեի նախագահի պարտականությունները կատարող Արմեն Ղուլարյանը. «Գնահատում եմ իրականացվող մեծ աշխատանքը՝ ճարտարապետական հանրության շրջանում համագործակցային ջերմ մթնոլորտ ձևավորելու, ձեռք բերված վստահության համար։ Սա պատմական իրադարձություն է՝ Ռաֆայել Իսրայելյանի ստեղծագործական ժառանգության նշանակությունը անգնահատելի է, ինչպես հնարավոր չէ գերագնահատել իր արխիվը թանգարանին փոխանցելու փաստը»,-նշել է կոմիտեի ղեկավարը:
«Համոզված եմ,- գրել է ֆեյսբուքում Ռաֆո Իսրայելյանի թոռ Արամ Ղանալանյանը, – որ մեծերը արարում են իրենց երկրի, ժողովրդի, մարդկության համար, և իրենց ժառնգությունը ողջ ազգինն է և ոչ անմիջական ժառանգներինը։ Պապս չափազանց շատ է սիրել իր երկիրը և արել ամեն ինչ նրան ծառայելու համար»։
Դժվար է ինչ-որ բան ավելացնել այս խոսքերին:
